WMZ Angels “WsuMjuZ angels”Who are they

الســلام عليكم وَ رحمة الله وَ بركــاته ..~

ويش حــالكم ..؟!

شوفوا يا طويلين العمر تراه صاير مؤتمر القمة عندنا اليــوم مع أن وفيـوه جابت إليي القلق من كثر ماتفك بوزها من التثاوب حشى دخلت كم ذبانة هع ~

المهمو مع أن ريمــوهـ ماهي عاطيه فيس قاطــه وجهها في الكمبيوتر وسافطتنــي المهمو ماعليي منهــا ~

المهمو وأخيرآ بعد عنــاء طويـل هــاهـ .. قررنــا أن إحنــا نشيل الغموض وَ حركات ماتريكس وَ نلبق البالطو على الشماعة وَ نقول منهم إحنــا فديتنــا هع ~

المهمـــو يلآ يا بنــات صفوا طــابور وَ كل وحدة تمسك المكرفون ع شان تقول هي منهي بسرعة لأني نعسانة لا أكفخكم ~

يلآ راح نبدي في المهمـــو يا بعدي ع المهم اللي خلانــي أفصل وَ لا أدري وين أقط فيسي ~

رآإح نبداإ بالأخــت الكبيرة السنعــة المذكورة في الهامش من ذيك الجهة من الصفحة اللي اسمهــا Forro-dono~

Forro-dono:آكــا وفـــاء العمر 26 نديدة هــآنجينج  برجها : الدلو خوية كيوهين في التصرفات مديرة أعمــال WMZ Angels المعروفين حاليــآ بـ الأخوات سـوجو <<عاجبنها الاســم ~

تحب تشاهد كل شي مترجــم وَ تحدد اللي تمباه بمزاجها * ماليها غير السفــاط~

تحب تجمــع أفلام السينمــا على قولتها تنافس البوكس أوفيــس ~ مطلعة على عالم الموسيقى أكبر منحرفة في البيت تخق على الرايح وَ على الجاي خلي بس واحد

وجهه كشيــد بس يرفع التي شيرت قالت عنه مليح وَ حليوه ~ وَ تخق

هي أول من أكتشفت Westlife

وَ عرفت ســوبر جونـير تقريبآ من البداية بس الله يسلمني زهور تلعبت عليها وَ قلت يعــوهـ ويش مطلعة ماهم حليون ~ معروفــة بكلمة وللل عيونها ماهي حارة أبدآ بس لما دريت عن سـوبر جونــير عن طريق خبر أن شين دونـغ مسوي حادث وَ دريت عنهم فلطعشر نفر قالت وللل واجد ~ فلا تخافوا ماتعرف تحسد هع ~
أعضائها المفضلين من ســوجو : أولهم دونجهــاي ، هــانجينج ، ييــسونغ ، كيوهيـون  وَ الباقي كلهعم ماعليهم شارة ~

تحب تسوي إليها دراما أم القصص الخيالية هي أمهم وَ أبوهم بعـد ~ تحب تلعب ألعاب كمبيوتر إختربت والسبــة كلها كهيونوه الدفش بس ما أشره عليه لأنها نفس الشي مجنونة خلقة أعظم منهم فما أعظم من المربوط إلا المنفلت إلا هيه أختــي ~

تحب تجمع الحاجات السخيفة يعنــي تموت في تجميـع حتى لو جعلها ورقـة تحب تخليها ذكرى ~

اي شيء غريب حتى لو مالها حاجة فيه حتى لو تأخذه ووتخبيه في الدرج اهم شيء صار عندها ~

مفكرة العايلة المتنقلة أي شي يمبوا يذكروه أو أحد يذكرهم على طول وفـاء وهي جاهزة ولا تسوي روحها عدلة وَ تتحمق هع ~

قليلة طوع غير كلمة ماني على بوزها مافي وَ تحب تسوي روحها أنتيكة وَ يحليها إذا أفتت في شي وأني كنت جنبها هع

تموت في قراية الأرقــام نص عربي وَ نص عنجلش لو جعلها تعود وتزيد في ذاك الرقم ع شان بس يزبط ياها نص نص

الوحيدة اللي عواينها خضر في البيت وَ ياشينها إذا قامت تتدلع


وتسبل ذيك العواين << حاقدة ويش كانوا يفكروا فيه أمي وأبوي وهم يجيبوها ~

تحب تتفلسف في سالفة وايرات ما وايرات وَ أنتل وَ دش وَ مباريات وَ ياحبهــا تعالي في تردد محطة جديدة سلمي على التلفزيون في ذيك الحزة وَ ياوليها يا سواد ليلها ذيك المحطة إذا ماطلعت تصحن جبد الرسيفر وَ جبدي وياها من كثر ماتقول إلاواه مو طالعة<يختي روحي وازني دشكم قبل ما تتحمقي ~

تحب تجمـع مجلات ويش ما كانت تحب حاجة اسمها دروج تحب سكر إفتح سكر إفتح تموت ولا عاد إذا بغت تدور على شي تموت تفتح وَ تسكر في ذيك الدروج الغرفة كلها دروج وانتون يالهبلان تعالوا دوروا علامن تشوفوا في أي درج ~

يا موتها تجمع الجوالات صارت تصحن على أخوي لحد ما أخترب جواله وكان من الجوالات العتيقة بعد ع شان ويش أنه يشبه جوال شين اللي في ويستلايف وبعدهوه موجود عندها


وَ الحين خلكم عن هذاك عندها جوال يشبه جوال دونجهــاي البلاك بيري يعني بالراحة عندها 7 جوالات تشيل واحد وَ تحط واحد <أبوك يالبطر~

وَ تحب تسفت تحكها إيدها إذا عندها فلوس وما خرجتهم ~

أيه بعد نسيت دلع درجة أولى خلش بس تدزيها على خفيف صارت لش شهر تقول إلش أنها بعدهيه تعورها لابنا ولا بالهدزة

تحب الهذرة ماتحب أحد يهذر غيرها كل بربربربربر هالبوز مايسكر أبدآ إلا إذا بغت تنام تريح ملائكتها شوي هذا إذا إرتاحوا ماصارت تحلم بالحاجات اللي باطة جبدها ~

نظيفة حدها  تموت إذا شافت حاجة طايحة على الأرض وياليت تتعنى هيه وَ تشيلها إلا تعالي زهور شيليها ~ << شوفوا الضيم اللي أني أعيشه

المهمو أيه ماتحب تكلم مسن دينها وَ دين إذا كلمت أحد وإستهبل عليها ما شاء الله عرق العيلة ينبض على طول تزعل لو تجي وتبرر إليها مافيه وياشينها إذا ذلت الواحد تعال قول إلي أنك آسف وبالعربي بعد << ياكثر ماتحصل إليي

ماتحب الجهالوه يعني وحده عمرها 12 -13  وما أصغر وتشوف حالها على أختي وتسوي حركات الجهال يالدبة ومن هالمجرة ماتحب في ذاك اليوم غير هذرة على ذيك الفلانة مافيه لا تتغسل ولا تتكفن ~

ماتقدر على الخواهر خصوصآ إذا غازلتها الشمس ~

ماتحب أحد يلمس أغراضها وَ تحب تشغل كل شي في نفس الحزة التلفزيون وَ الكمبيوتر ولو على هواها لو في مسجل شغلته وَ الدي في دي والـ بي إس بي والأي بود << أغراضها واجد حشى

تحب تخربش اسمها في كل مكان غير وفـاء مافيه وعذروها على أنها ما تترجم لأن الله وهالكمبيوتر اللي عندها ماتلحق تحرك الفارة علق وصارت سالفة وَ طارت الطيور بارزاقها وهو يالله يفكر يتحرك ع شان كذا هيه دعم فني بس ~


تموت تجيها حشرة إذا قالوا ليها لا تقولي لاحد على طول في نشرة الأخبار من وحدة لوحدة وَ علوة ردة الفعل ماتكون نفس الي تمباها ترجع بعد نص ساعة وتعيدها ولا ع شانها تخاف أنها متكون قالت لهالفلان تقولها مرة ثانية وعلوه يقول إليها قلتي ليي تقوم القيامة عندها ~

  • أهم نقطة ~ يحليلها إذا هبت طولها وَ تركتني زي الهبلة داخل الغرفة وراحت أقوم أدورها مداور أتاريها داخل المطبخ جالسة تسوي خبصة بالأكل ولا أحلى بس كله أكل معاد الصنع زيه زي البترول المكرر يخليش تشبعي لحد الثمالة ~

تموت في المعـايي أني سويت وأني سويت إذا مارضيتي ماراح أسوي إلش وهالحركات الماصخة

ياشين إذا أحد قال ليها سوي إياش ليي الله أكبر  قامت القيامة وعلوه يلمس حاجة إليها لا أعظم يحليله لو ذاك الشخص يموت في ذيك الحزة وَ خله على أكل نيران نيران وَ تبرطم

ونفسه تاكل ذاك الشخص بدل الأكل ~

تربي قطط


الاخير لازال موجود

الشي الجديد في وفاء من زواج زهراء صارت توقت برامج الى السوجو وارفع

آحــم نجي للمصونة الدفشة Maryam_sama

اسمها الأصلي مريــم عمرها 25 نديدة شيــن دونــغ برجها الأسد جنتلة على الأخر وَ دبلوماسية على الأخر بمعنى أصح ماتصلح إيفر تشبه بالشرور كـي من دبل إس (دبل سع سع عو عن)  ~ ثاني مترجمة لــ سوبر جونــير ملقوفــة ذبانة البيت من يطير عنها ماتشوفيها لابقة في مكان أبدآ تلم أخبار البيت كله لو على هواها أخبار الفريق بعد بس مايمدي نحيسة ما ترضى تفك حلقها وَ تقول شي إذا قالوا ليها لا تقولي لاحد ~ مايهمها الشي كلابد مخلي اللي وياها فرحان ومتونس لو جعله اللقمة في بوزها وهالنفر نفسه فيها تعطيه إياه ~ ماتحب ترد أحد لو جعلها متكسرة وَ حالتها حالة تدق الصدر وَ تقوم هالمصدية هذي ~ من النوع اللي إذا أكرمت الكريم ملكته وإذا أكرمت اللئيم تمردا بمعنى أصح (سوي خير وقطه بحر) تحب تتعلم كل شي ماتحب أنها تتعطل على أحد مثلآ : مكياج


حنا حف

مترجمة وكاتبه رويات الحين تثبيت برامج فلسفة كمبيوترات مطلعة على أخر الأخبار في كل الأقسـام من روايات أفلام برامج موسيقى طبــخ نفسها في الأكل ولا أحلى * حصرية البنت الى قنــاة زهور بس ~


باردة مشاعر وَ خصوصآ إذا جبت إليها حاجة نفسها فيها أو هدية غير النظرة إللي كانها تقول ويش اسوي فيها وقولتها أوهـ سانكيـوه رفوع شرهـ مافيه ماتحب أحد يقول عنها أنها ماتعرف هالحاجة بس خلها تستمل يالله ويش فيكش منها ومن مللها بس يحليلها إذا ملت وراحت خمرت في المطبخ وَ جت بذاك المحمر وَ المشمر

عليها تعابير وجه كانها هنتــارو صغير نفسي أفشخ وجهها من كثر ماهوة حليو فيها غمازة يالله تبين ولا القهر تحمق بها بعد


خليها تخق وتعلقي عليها غير الجمع مافي ~ ماتحب أحد يفشلها قدام النــاس تضايق وتصير متضايقة وتاخذ موقف وعلى الشخص مثاقيل في ذيك تعوف نفس الواحد أنه يشوفه غلقة هالبنية غلقة

إذا أفتت في سالفة صباغ شعري وَ طلعت الصبغة إلش عليها وَ أحد تكلم عليها على طول ماتشوف إلا وجهها كله إتجمع في الوسط وفتحت بوزها وقالت ” هذي آخر مرة أصبغ فيها شعرش تبغي روحي لأحد ثاني يسويش ” بس بما أنها فالصو تصبغه مرة ثانية بس أني هالمرة أني اللي حلفت ما أصبغ شعري عندها مرة ثانية ~

ملقوفة درجة أولى إذا كانت فاضية وغيرها يشتغل جيبي أني بسويها إلش بس خلها عانة عليها تقول ماني  مكسيموم مرتين على أنها مو راضية بس قولي ليها مرة ثانية تقوم ولا كأنها قايلة ماني من شوي

حبيبة ماما هي على قولتهم البنت البارة ما تلحق أمي تقول كلمة قالت ان شاء الله ما تتحمق لا على غذا ولا على قومة ولا على قعدة لو جعلها تروح وياها وهي مو نايمة عادي بس ياشينها إذا جت تعالوا قعدوا أبغى أهذر هي هذارة بس من تحت لتحت خلي بس بوزها يفتح مايسكر ماتسكره ليها غير وفيوه لأنها ذيك مافي عليها إيـه إذا كان ضايق خلقها على طول ماتشوفها إلآ لابسة العباية وملايمة القريشات ورايحة السوق وَ تخم وَ تلم وفوق كل هذا ترجع ” بس هذاهوه هذي أخر مرة أروح أشتري ليكم حاجة ” وَ خلها ماليها خلق وتمبى تصر القريشات تونا بنفتح بوزنا نمبى حاجة مانشوف إلا الغبار ويش صاير هجت من المحل وَ بس نوصل البيت ” كان قلتوا كان شريتها ليكم ” بس لا تصدقوا لأنها حتى ماراح تشتري لينا شي ~

تحب بما أن أمي تخيط ثياب خصوصـآ إذا جابوا ثياب النسوان الكبار هذيلا القصار تحب تلبسهم وتسوي شعرها ربطتين (قراعين) ولو على هواها مسكت القدو وَ شربت ويحليلهم إذا كانت الثياب لأمي الكبيرة وي ~

تحب تلبس دراريع الرجــال و الشماغ و في أخر فترة كانت قاصة شعرها صبيان على قولة أمي كل شعره طول سم بس وَ تقول لأخوتي أنها راح تطلع كذا وياهم بس الموانع اللي تمنع توقف في طريقها هع ~

مرشحــة أولى في سواقة الحريم للسيارات بتصويت العايلة الكريمة أجمع ~ أم نفسيات شريــة وخصوصآ إذا زبرت حتى أمي ما تنوس عليها ~ حساسة تحب حركات العباطة ~ تحب تحمق لدرجة أن أمي سألتها ” تاخذي فلوس على الترجمة ” ومنها سكرت قنـاة اليوتيوب ~

كمان صارت مريم تكتب روايات

روايتها الاولى لنا للقاء كانت مهداه الى رانه


والروايه الثانيه في صدد الكتابه انت عيـــنايــ


وراح تكون فيه روايات جديده  ان شاء الله راح يكون الابطال السوجو وانتظرهم <<<طولت لسه ماكتب

قبسة البيت وَ خصوصآ على المشاهير من تحب واحد يصير له شي أولهم براين وَ طلع من الفرقة

بعده مارك وَ طلع لفة يمين


بعده لي جون كـي وَ طلع عنده مشاكل وَ راح الجيش

بعده كــآنغ إن وصار اله اللي صار وصبرت عليه واحتسبت وصارت تنعي وتفاول لحد ما رسلوه الجيش

بعده شيــوون وصار اله اللي صار وأنلطع في الهوسبيتل ولا عملية

بعده خقت على موال كيوهيون بدايتها بس حلقة وبعدها صارت ولد الجيران يمول أحبش من كثر مواله راح الهوسبيتل ولا عملية ولسه مارجـع ولا حس ولا خبر هع ~

بس المخافة الحين على دونجهـاي لا يصير فيه شي من عيونها “تقرير مباشر ” طلعت تحبه حب طاهر ياخوفتي عليه أنها تفصل عليه مرة ويروح من إيدنا الولد

تحب حاجة اسمها وجع راس وَ قص ولصق وروح تعال

وَ ياشينها إذا ماكان عندها شي وراحت تشطب في الكمبيوتر إغلسي إيدش انش تشوفي شي من اللي عندش تحذف وهيه ماشيه أخر فعايلها حذفت ملف كامل كله حلقات رآو ولا بإيدها بعد وَ صارت تنعي وَ تنوح وزعلت طول اليـوم والسبه كلها ان النت الزفت كان قاطع

آمينة درجة أولى للموارد المالية بنك العايلة ~

ماتحب أحد يجي إليها وفي النهاية يقول إليها أنها الخيار الثاني إليهم وماتحب أحد يمننها

مجنونة بجامات ~ تحب تسوي خريطة في الطريق روحي لذا المحل أول لأ بنروح لذا المحل أول وَ بعدين لذا ~

لسانها يورطها في الصفقات المالية ماتحب ترد أحد من يطلب منها شي على طول ” تم من كم لكم ” <<حاقدة

إذا تمبى تتملص تقط السالفة على وفوي أم اللسان ~

فيها الخير إذا راحت تتسوق ماتنسانا فيها الخير~

ماتحب اللون الوردي أبدآ ~ أكثر وحدة تخرق القوانين الي كانت في البيت ولازلت ~ ماتحب الحلى ولا تحب الدجاج ولا اللحم ~ البنت نباتية بس بطريقة مطورة ~

أم أربع تلبس نظارة ~


ياشينها إذا كنا نمبى النام وهي متعيلفة وجت تقط وجهها بمعنى أصح غفيفة ولزقـة وجع وليها حركات تشبه ييـسونغ ~ صاحبت مقالب يعني إذا بنموت ناقصين عمر هي السبب ” في مرة الأخت كان ضايق خلقها وَ حالتها حالة وكانوا خواتي الكبار راكبين فوق السطح في الليل الساعة 12:30 الليل لأن أخوي كان جايب آلات تمارين ورايحين يشوفوهم وبما أن الأخت ملانة تقوم وَ تتعنى تركب 3 طوابق ع شان تخلي راسها يطل عليهم من الباب بالحركة البطيئة وكان ليل والكل نايم ومايدروا من الي راكب إليهم فوق جابت فيهم العيد وكل وحدة قلبها مو في مكانه “

أكثر وحدة تصيحني ~ وأكثر وحدة تصيح بعدي البنت حشاشة قوي

ماتعرف لـ الأكترونيـات خالص بالأخص الجوالات البنت خبلة خبلة في حاجة اسمها جوال يادوب ترفع السماعة الو وتسكر السماعة ~


تحب تجمع المناديل جنبها ~ تحب تنسخ البرامج في سي دي بس تعالي وينهم ماتدري عنهم بس متأكدة أنهم موجودين

تحب تشتري كوايات شعر ~ ماتحب تشرب الماي الأصلي عندها لا طعم ولا لون ويخرب المزاج شعارها ” يحيــا البيبسي “

كذابة درجة أولى الكذب ينقط عسل من بوزها ~

تعرف كيف تحصل على الحاجة اللي تمباها لأن أسلوبها ونعم ” مالت عليها هلاشة هالبنية بس الشره مو عليها الشره على أهلي اللي مصدقينها

أكثر وحدة إجتماعية عندها صاحبات واجد ~

آحــم آحـم جى دور أني البايخــة Zahra-sama

اسمها الأصلي زهراء عمرها 22 برجها السرطان نديدة كيوهيون << حاصل لش يامال العمى

المترجمة الاولى بس ملولة وعلى حسب العنات اذا عاجبنها الشيء يومين ما تأخذ وعلى حسب التشجيع واذا مو عاجبنها زي ستار غولدن بيل الحين كملت شهرين ملطوعه بـ15 مترجمة

البنت فلتة في التدوير مايصعب عليها شيء وخاصة في شيء اسمه رجال مليح وحليوه لو على هواها حتى لو تدور بأسم ماركة للبلوزة الي عليه علشان تعرفه ~ هع متصربعه

آخر العنقود دلوعة العيلة ماحد يرفض لها طلب

حساسة فيها من الغباء << بشهادة الكل بس حبوبة مره

لسانها زفر وافضل كلمة عندها وشعارها المفضل ” مـــــــادري”

ماتحب تتخذ اي قرار لا تتورط  تتوهق واجد والسبب انها ماتعرف تطلع روحها من الورطات

اذا بغت شيء تقول عنه في البيت ومن نطلع ونروح للمحل  تقول ” مادري  على هواكم ” بس  علوه احد يعطيها قرش على طول اكسسورات وخرابيط

غلصمة في حلق وفيوه او بمعنى اصح تحب وفيوه واجد << ياخينة اجى في خاطري اهئ

تقد ويا وفوي اكثر من ما اني اقعد وياهم هع << يقولوا خوات نفر باي نفر

تزعل بسرعه وترضى عن طريق بطنها << مو دبابة بس دلاعة

بخيلة اعظم من إون هيـوك الا كسرت عليه إا هو بس فلوس هيه حتى في الاكل والشرب هع << بخيلة شومال

ماني في بوزها نسبة 85 % وانزين نسبة 15%

طبعآ يكون العكس كثر ماني تكون غصب عنها تفز وتطاوع والـ 15 الي تفلح وتصر على رايها << يقولوا عنش الصغيره

خفيفة دم اكثر وحده ماتتغذى ويانا دوم ازحيرها لوحدها يا بطاطس يا معكرونة يا بحاري هع

ومن الشعارات المفضلة عندها في معجمها ” طنش تعش تنتعش ” بس عن حق وحقيقة

و”| حياتي بائسة  وصعبة” اكثر وحده عندها جمهور في تويتر << بل عليش شاكة فيش تورحي تهدديهم

تنام في اي مكان وإذا زعلت تخمد على طول ، تحب تتأمر وتأكدوا اكثر زعلاتها على الاكل او جوعانة

مصيبتها مصيبة وخاصة اذا خقت يامن يلمها ، تحب سونغ مين كيوت زيها بس هو كيوت اكفر << بس شاكة فيها تتحدن على كيوهيون

اذا تبغوا تشوفهوها حولة حطوا دونجهاي

تحب الحليب ويا حبذا حليب البقر

عندها لحد الحين عرايس الاطفال تخاف عليهم من وفيوه << تخاف تقرعهم


بخيلة حتى في لفلوس بس اذا من عندها ايدها مسيوبة

تحب اللون الاحمر <<< اني اقول لانه حيلو عليها هع ترفع ضغطي

عندها جوالاين << مافيه الا اني واحد وخب عليي

كلمت كيان وست لايف شخصيآ وكمان مارك في تويت  << نتسنى تكلم سوجو شخصيآ


ماخلت رقم كوري الا واتصلت عليه لعلى وعسى يطلع واحد من المشافيخ سوجو << هع حامش على يور موث

اليها تحب تجلس تسمع ويش نتكلم اني ووفوي  تموت ولا نكون جالسين وهي نايمة او تسبح على طول تحلفنا ان ما نتكلم او نقعد ويا بعض

صار عندها لاب توب ومات بعد شهرين شدخته مرتين على الراس وماتبغاه يموت < هع ترى هذا الة حشاشة بعد

ومن بعد الزواج صار عندها واحد جديد طازج

خوقاقية في الفوتوشب تصمم حتى صور << صورنا هي الي تسويها نطلع خقه طبعآ شفتوا بعض تصاميها


تحب تتعلم على اي شيء جديد بعالم النت << للثقافة النتاويه

متابعه جيدة للأخبار تحب تجميع صور المشاهير <<< تخوف استكر هوني ترى بيوصلوا عليش

فيها شبه كبير من هيتشول في الشكل والتصرفات

وتحب تلم وتخم من النت وتعالي يا ريوم دبري الي مكان في الجهاز

ماتنسى شيء حتى لو بعد مليون سنة هيه انتطش بس ماتنسى

بكاية شكاية خوافة  وخاصة الحين من بعد ما طلعت وصار عندها شقة لوحده خلصت الفلوس تبعنا من بعد اول شهر شرينا بطاقة ام 300 ريال طارت من بعد اسبوع

ياحبي اليها بس تختلع هع وياكثرها مني << عرفتوني مو

بريعه بحيث لو تهلشي عليها تصدق وتنقل الكلام زي ماهوه < عندها مصداقية بالنقل

مو خوش بالهذره ماتفلح ابدآ بالسرد كل كلمة والثانية الاهو <<< دا وصلنا القمر ترى وماصلنا للبوينت

ياحبها تفشل وفوي كانها اصغر جهالها << ترى جى فخاطري ماتحبني

تغار حتى لو من كلام مثلآ فيه مره وفوي عن مجرد مزح قالت لو يجي دونجهـاي << سمعهتوا دونجهاي الي تخق عليه وتموت في دبابيه

كلمة وفوي لو يجي دونجهاي ويقول انه نفسه في هالقمة الي عندها تعطيه اياها زهور زعلت من كلمة بتعطيها دونجهاي مو اليها << حشى وهذا وانتين تبحبيه

قالت كل شيء الا الاكل لا في صاحب ولا غيره

تحب تتلزق في الشخص وتتدلع

اذا حصل صمت في المكان تسمعي كلمة مو في مكانها من وفوي وزهور <<< تحبيني << بالذمة وقت وقت حب الحين

توزجت زهراء يوم الاربعاء الموافق 15|8|1431 هجري انتقلت الى عش الزوجيه وفي اول لليله زواج شلت السرير تبعها وحطيته تحت  سريري عشان لما تجي صباحية الزواج سريرها مو موجود جاءت في الصباح جلستنا من النوم وجلست اشوي وطارت مو صدقة اختي الصغننه صار عندها بيت وزوج ومسؤليات

غرفتنا لما كنا نجهز الى زواج زهراء

عرض الشرائح هذا يتطلب تفعيل جافاسكربت.


وفرحت اكثير لما اتصلت الى امي وقالت لها اني غسلت اثيابنا صار موضوع البيت حتى اخوها الكبير صار يضحك لن اختي كانت مدلله كثير وفرحنا اكثر لما صارت تطبخ بس الشقة وحشه عليها لان زوجها من 15 يوم رجع العمل صار التلفون مايصق الى درجة انه صرنا نعرف متى وقت التخفيض <<< ما كنا نهتم من قبل

اول عشى هيا الي تطبخة

زواجها جا بعد وفاة جدها والد عمتها  بحيث انه مو كل الاهل موجودين بس الحمد الله ما ظل من العمر مثل ما ظل

من بعد بطاقة 300 ريال قررنا انه احنا نخفف تلفون يمكن في شهر انصرفت 1000 ريال على التلفونات بعدين صارت تكلمانا في تويتر تبي تتسلى ولسه ما عندها نت ولا لاب قبل نهاية رمضان كلمتها وقررت تشتري لها لاب وكونكت وفعلا والحين صار احسن في شقتهم عصفو يحط عناده معها كل صباح يجلسها لانه يجلش يطرطق في المكيف

وفي هذي الفتره حلمت بكابوس من بعد وفاة بنت عمتها وما نامت طوال اليوم والكل يسال لسه هيا خايف ….

سافرت معنا من بعد العيد ورجعت بسلامه

في الطريق الى المدينه

صارت منقهره في ريوم طوال فترة الروايه وخاصة انا احنا مو البطلات مو متعودين تكتب روايه ما تكون لنا

هذا الشهر مستغلين العرض تبعstc وكلم خمس دقائق وباقي اليوم مجانا استغليناه الى اخر رمق

ولسه يوم الاربعاء الموافق 27|10|1431 مسويه لحمه اول مره

يعني زهراء محط تجارب وكلمة امي زهراء الي كنت خايفة منها صارت خوش مرأة …

اما بنسبه الى السوبر جونير راح يظل الترجمه عنوان الى wmz angels

See you  next  time

3 thoughts on “WMZ Angels “WsuMjuZ angels”Who are they

  1. السلآم عليكم .., صبآح الخير ,, بالصرآحه إستمتعت بكل ماتحويه الكلمه من معنى في أسلوب الترجمه الرآئع خيتوووو ويسعدني انضمآمي فأتمنى قبولي

    • tuqa almuzain@ وعليكم السلام ورحمة الله وبركاته .. صباح الخيرات تسلمين عنوني الحمدلله ان عجبتك بس الي مافهتمته تنضمي معنا كيف يعني !!؟

  2. هههههههههه
    صراحة استمتعت وانا أقرأ عنكم
    مررررة مسويين جو
    وحلو بينكم هالعلاقة
    ومبروك لزهراء وعقبالكم
    كمساميداء ع هالتعريف اللطيف

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s